कर्मचाऱ्यांचे योगदान हेच कारखान्याच्या प्रगतीचे खरे बळ” — चेअरमन पुष्पराज काडादी.

💥सिद्धेश्वर सहकारी साखर कारखाना लि., कुमठे येथे १९ सेवानिवृत्त कर्मचाऱ्यांचा भव्य सत्कार समारंभ उत्साहात संपन्न…

🏵️ “कर्मचाऱ्यांचे योगदान हेच कारखान्याच्या प्रगतीचे खरे बळ” — चेअरमन पुष्पराज काडादी.

📍 अंकोली {मोहोळ} ✍️ प्रतिनिधी :- दादासाहेब जगताप, संविधान न्यूज चॅनल व पोर्टल सहसंपादक.

🏭 सोलापूर जिल्ह्यातील सहकार क्षेत्रात आपली स्वतंत्र ओळख निर्माण करणाऱ्या सिद्धेश्वर सहकारी साखर कारखाना लि., कुमठे या संस्थेने केवळ साखर उत्पादनापुरते मर्यादित न राहता हजारो शेतकरी, कामगार व कुटुंबांच्या जीवनाला स्थैर्य देण्याचे महत्त्वपूर्ण कार्य केले आहे. ग्रामीण भागातील आर्थिक उन्नती, रोजगार निर्मिती, शेतकऱ्यांच्या ऊसाला हमी बाजारपेठ आणि सहकाराच्या माध्यमातून विकासाची नवी दिशा देणारी संस्था म्हणून कारखान्याकडे अभिमानाने पाहिले जाते.

🌿 अनेक चढ-उतार, आर्थिक संकटे, बदलते हवामान, उद्योग क्षेत्रातील स्पर्धा आणि तांत्रिक आव्हाने यांचा सामना करत कारखान्याने सातत्याने प्रगतीचा मार्ग कायम ठेवला आहे. या प्रगतीमागे कारखान्याचे संस्थापक, पदाधिकारी, संचालक मंडळ, अधिकारी आणि सर्वात महत्त्वाचे म्हणजे निष्ठावान कर्मचारी वर्ग यांचे अथक योगदान असल्याची भावना यावेळी सर्वत्र व्यक्त करण्यात आली.

🎉 अशाच संस्थेच्या प्रगतीत मोलाचे योगदान देऊन अनेक वर्षे प्रामाणिकपणे, निष्ठेने व कर्तव्यभावनेतून सेवा बजावून सेवानिवृत्त झालेल्या १९ कर्मचाऱ्यांचा भव्य सत्कार समारंभ सिद्धेश्वर हॉलमध्ये अत्यंत उत्साहपूर्ण व भावनिक वातावरणात संपन्न झाला. कार्यक्रमास कारखान्याचे पदाधिकारी, संचालक मंडळ, विविध विभागांचे खाते प्रमुख, अधिकारी, कर्मचारी, सभासद, शेतकरी व विविध क्षेत्रातील मान्यवर मोठ्या संख्येने उपस्थित होते.

🌸 कार्यक्रमाच्या प्रारंभी कारखान्याचे प्रेरणास्थान असलेल्या आप्पांच्या पुतळ्यास पुष्पहार अर्पण करून अभिवादन करण्यात आले. श्री. केन मॅनेजर काशिनाथ पाटील साहेब यांच्या हस्ते पुष्पहार अर्पण करण्यात आला. त्यानंतर दीपप्रज्वलन करून कार्यक्रमाची औपचारिक सुरुवात करण्यात आली.

🙏 कार्यक्रमादरम्यान उपस्थित मान्यवरांनी कारखान्याच्या स्थापनेपासून आजपर्यंतचा प्रवास, कामगारांची मेहनत, शेतकऱ्यांचे सहकार्य आणि सहकार चळवळीचे महत्त्व यावर सविस्तर मनोगत व्यक्त केले. “कारखाना म्हणजे केवळ उद्योग नसून हजारो कुटुंबांचा आधार आहे,” अशी भावना अनेकांनी व्यक्त केली.

👑 कार्यक्रमाचे अध्यक्ष म्हणून कारखान्याचे चेअरमन श्री. पुष्पराज काडादी यांनी उपस्थितांना मार्गदर्शन करताना सेवानिवृत्त कर्मचाऱ्यांच्या सेवाभावाचा गौरव केला.

🗣️ “कारखान्याच्या यशामागे कर्मचाऱ्यांचे अथक परिश्रम, शिस्तबद्ध कार्यपद्धती आणि निष्ठा हेच खरे बळ आहे. सेवा निवृत्त झालेले कर्मचारी हे संस्थेची खरी संपत्ती असून त्यांनी कोणत्याही फळाची अपेक्षा न ठेवता प्रामाणिकपणे आपले कर्तव्य पार पाडले आहे. आज कारखाना ज्या उंचीवर पोहोचला आहे, त्यामध्ये या कर्मचाऱ्यांच्या कष्टांचा मोठा वाटा आहे,” असे ते म्हणाले.

✨ तसेच श्री. धर्मराज काडादी साहेब यांच्या मार्गदर्शनाखाली हा कार्यक्रम अत्यंत यशस्वीरीत्या पार पडला. त्यांनी आपल्या मनोगतात सांगितले की, “सहकार ही केवळ चळवळ नसून गावागावातील शेतकरी, कामगार आणि सर्वसामान्य माणसांच्या विकासाची ताकद आहे. सिद्धेश्वर कारखान्याने नेहमीच सामाजिक बांधिलकी जपत प्रगतीचा आदर्श निर्माण केला आहे.”

💐 कार्यक्रमात कारखान्याचे कार्यकारी संचालक श्री. समीर सलगर साहेब यांनी सेवा निवृत्त झालेल्या सर्व कर्मचाऱ्यांचे विशेष आभार मानले.

📢 त्यांनी आपल्या भाषणात सांगितले की, “कारखान्याच्या उभारणीपासून प्रगतीपर्यंत प्रत्येक टप्प्यावर कर्मचाऱ्यांनी मोलाची भूमिका बजावली आहे. अनेक संकटांमध्येही त्यांनी निष्ठेने सेवा दिली. काही कर्मचाऱ्यांनी दिवस-रात्र काम करून कारखाना अडचणीतून बाहेर काढण्यासाठी प्रयत्न केले. त्यांचे योगदान सदैव स्मरणात राहील.”

🏭 यावेळी अनेक अधिकारी व खाते प्रमुखांनीही आपल्या भावना व्यक्त करताना सांगितले की, सेवा निवृत्त झालेले कर्मचारी हे नव्या पिढीसाठी प्रेरणादायी आहेत. त्यांनी आपल्या कार्यकाळात शिस्त, मेहनत, प्रामाणिकपणा आणि संस्थेविषयी असलेली निष्ठा यांचे उत्कृष्ट उदाहरण निर्माण केले.

🎖️ यावेळी सर्व सेवानिवृत्त कर्मचाऱ्यांचा शाल, श्रीफळ, पुष्पगुच्छ व सन्मानचिन्ह देऊन गौरव करण्यात आला. सत्कार स्वीकारताना अनेक कर्मचारी व त्यांच्या कुटुंबीयांच्या डोळ्यांत आनंदाश्रू तरळल्याचे चित्र पाहायला मिळाले. अनेकांनी आपल्या सेवाकाळातील आठवणींना उजाळा देत कारखान्याबद्दल कृतज्ञता व्यक्त केली.

📋 सत्कार करण्यात आलेल्या सेवानिवृत्त कर्मचाऱ्यांची नावे पुढीलप्रमाणे :

🔹 १) गंगोंडा बसवराज गुरूबसप्पा

🔹 २) धनुरे शंकर काशिनाथ

🔹 ३) गंगदे बसवराज रेवणसिद्ध

🔹 ४) दिंडूरे महादेव श्रीमंत

🔹 ५) पाटील रमेश विठ्ठल

🔹 ६) नरसगोंडे श्रीशैल रामगोंडा

🔹 ७) म्हेत्रे इरण्णा शिवमूर्ती

🔹 ८) चिवडशेट्टी श्रीशैल चंद्रशेखर

🔹 ९) वाडी महादेव निंगप्पा

🔹 १०) भंगे रमेश सिद्धप्पा

🔹 ११) बनसोडे भरमण्णा निंगप्पा

🔹 १२) शिंपी परशुराम शिवाजी

🔹 १३) गोटूर शरणप्पा शांतप्पा

🔹 १४) चव्हाण विठ्ठल गुरप्पा

🔹 १५) ढंगापुरे चंद्रकांत यशवंत

🔹 १६) म्हमाणे विठ्ठल बाबूराव

🔹 १७) कोरे रेवण्णा यशवंत

🔹 १८) बगले लक्ष्मण संगप्पा

🔹 १९) प्रचंडे अशोक चनमलप्पा

🎤 कार्यक्रमाचे सूत्रसंचालन व आभार प्रदर्शन श्री. सिध्दराया बबलेश्वर यांनी अत्यंत प्रभावी शैलीत केले. त्यांनी कार्यक्रम यशस्वी होण्यासाठी सहकार्य करणाऱ्या सर्व अधिकारी, कर्मचारी, खाते प्रमुख, उपस्थित मान्यवर व सभासदांचे आभार मानले.

🤝 कार्यक्रमास कारखान्याचे ऊस्फोट अधिकारी नदाफ साहेब, सर्व ॲग्री ओव्हरसियर, विविध विभागांचे खाते प्रमुख, अधिकारी व कर्मचारी मोठ्या संख्येने उपस्थित होते. तसेच कारखान्याचे सभासद, बिगर सभासद, आजी-माजी कर्मचारी, वाहन मालक, ऊस वाहतूकदार आणि कारखान्याशी निगडित विविध घटकांनीही मोठ्या संख्येने उपस्थित राहून कार्यक्रमास मान दिला. उपस्थित सर्व मान्यवरांचे व सहकार्य करणाऱ्या प्रत्येक घटकांचे यावेळी विशेष आभार मानण्यात आले.

 

 

 

🌹 सिद्धेश्वर सहकारी साखर कारखाना लि., कुमठे, सोलापूर येथील सिद्धेश्वर हॉलमध्ये पार पडलेला हा सेवानिवृत्ती सत्कार समारंभ आनंद, कृतज्ञता, स्नेहभाव, सहकाराची जाणीव आणि भावनिक आठवणींनी भारलेला ठरला. कर्मचाऱ्यांनी आपल्या संपूर्ण सेवाकाळात कुठल्याही फळाची अपेक्षा न ठेवता प्रामाणिकपणे व कर्तव्यदक्षतेने काम करून संस्थेच्या प्रगतीत मोठे योगदान दिल्याची भावना यावेळी सर्व स्तरातून व्यक्त करण्यात आली.

💫 “सेवा संपली तरी नातं संपत नाही; संस्थेप्रती असलेली निष्ठा आणि आठवणी कायम राहतात,” असे भावनिक उद्गार केन मॅनेजर काशिनाथ पाटील साहेब यांनी व्यक्त केले. त्यांच्या या मनोगताने उपस्थित अनेक कर्मचारी भावूक झाले आणि टाळ्यांच्या गजरात कार्यक्रमाची भावनिक वातावरणात सांगता करण्यात आली.