बँक ऑफ इंडियाचा १२१ वा स्थापना दिवस कूरूल शाखेत उत्साहात साजरा

🏦✨ बँक ऑफ इंडियाचा १२१ वा स्थापना दिवस कूरूल शाखेत उत्साहात साजरा ✨🏦
🌸 १२१ वर्षांचा विश्वास… सामर्थ्यशाली वारसा… उज्ज्वल भविष्याची प्रेरणा!
✍️ अंकोली प्रतिनिधी – दादासाहेब जगताप
संविधान न्यूज चॅनल व पोर्टल सहसंपादक.
🌺 मोहोळ तालुक्यातील मौजे कूरूल येथील भारतातील अग्रगण्य राष्ट्रीयीकृत बँक असलेल्या बँक ऑफ इंडियाचा १२१ वा स्थापना दिवस कूरूल शाखेत मोठ्या उत्साहात व आनंदाच्या वातावरणात साजरा करण्यात आला. स्थापना दिनानिमित्त शाखेत विविध उपक्रमांचे आयोजन करण्यात आले होते. यावेळी बँकेच्या गौरवशाली परंपरेला उजाळा देतानाच बँक आणि ग्राहक यांच्यातील विश्वासाचे नाते अधिक दृढ करण्याचा संदेश देण्यात आला.
🌸 शाखेची आकर्षक सजावट
🎊 स्थापना दिनाचे औचित्य साधून बँक ऑफ इंडिया कूरूल शाखेची आकर्षक पद्धतीने सजावट करण्यात आली होती. शाखेच्या प्रवेशद्वारासह परिसरात “१२१ वर्षांचा विश्वास, सामर्थ्यशाली वारसा, उज्ज्वल भविष्याची प्रेरणा” तसेच बँकेचे बोधवाक्य “नातं बँकिंग पलीकडचं” असे संदेश असलेले पोस्टर्स लावण्यात आले होते.
🎉 मान्यवरांच्या उपस्थितीत केक कापून स्थापना दिवस साजरा
🌹 कार्यक्रमास प्रमुख अतिथी म्हणून श्रीकृष्ण ग्रुप कामती व श्रीकृष्ण गुरुकुलचे प्रमुख श्री. प्रमोद अवताडे, कूरूलचे उद्योजक श्री. जालिंदर लांडे, श्री. शशिकांत माने, सोहळे गावचे सरपंच श्री. ऋषिकेश जगताप तसेच इतर मान्यवर व ग्राहक उपस्थित होते.
🍰 यानंतर कूरूल शाखेचे शाखा व्यवस्थापक श्री. संतोष दळवी आणि शाखेतील ज्येष्ठ ग्राहकांच्या हस्ते केक कापून बँक ऑफ इंडियाचा १२१ वा स्थापना दिवस उत्साहात साजरा करण्यात आला.
🌺 यावेळी शाखेतील अधिकारी व कर्मचाऱ्यांनी उपस्थित ग्राहकांचे स्वागत केले.
🎤 कार्यक्रमाचे सूत्रसंचालन बँक मित्र श्री. उमेश गायकवाड यांनी केले. या कार्यक्रमाच्या माध्यमातून बँक व ग्राहक यांच्यातील जिव्हाळ्याचे आणि विश्वासाचे नाते अधोरेखित झाले.
📈 १२१ वर्षांचा विश्वासाचा गौरवशाली प्रवास
📌 यावेळी बोलताना शाखा व्यवस्थापक श्री. संतोष दळवी यांनी बँक ऑफ इंडियाच्या १२१ वर्षांच्या गौरवशाली वाटचालीचा आढावा घेतला.
🇮🇳 बँक ऑफ इंडियाने देशाच्या आर्थिक व सामाजिक विकासामध्ये महत्त्वपूर्ण योगदान दिले असून, सर्वसामान्य नागरिक, शेतकरी, छोटे व्यावसायिक, महिला बचत गट तसेच उद्योजकांना विविध आर्थिक सेवा व कर्ज योजनांच्या माध्यमातून पाठबळ देण्याचे काम बँकेने केले असल्याचे त्यांनी सांगितले.
💰 यासोबतच आर्थिक शिस्त, सिबिल स्कोअरचे महत्त्व आणि योग्य आर्थिक नियोजन याबाबतही शाखा व्यवस्थापक श्री. संतोष दळवी यांनी उपस्थित ग्राहकांना मार्गदर्शन केले.
📱 डिजिटल बँकिंग सेवांवर विशेष भर
💻 बदलत्या तंत्रज्ञानाच्या युगात ग्राहकांना जलद, सुरक्षित आणि आधुनिक बँकिंग सुविधा उपलब्ध करून देण्यावर बँकेचा विशेष भर असल्याचे श्री. संतोष दळवी यांनी सांगितले.
🗣️ ते म्हणाले,
“ग्राहकांचा विश्वास हीच आमची खरी पुंजी आहे. आगामी काळातही ग्राहकांना अधिक तत्पर, सुरक्षित आणि अत्याधुनिक डिजिटल बँकिंग सेवा देण्यासाठी कूरूल शाखा कटिबद्ध आहे.
💰🌾 १२१ व्या वर्धापन दिनानिमित्त तब्बल १२१ लाख रुपयांचे कर्ज वितरण!
🎯 १२१ व्या स्थापना दिनाचे औचित्य साधून कूरूल शाखेच्या वतीने तब्बल १२१ लाख रुपये कर्जाचे वितरण करण्यात आले.
💵 बँकेच्या या उपक्रमामुळे शेतकरी, व्यावसायिक व गरजू ग्राहकांना आर्थिक पाठबळ मिळण्यास मदत होणार असून, स्थानिक पातळीवर आर्थिक विकासाला चालना देण्याच्या बँकेच्या भूमिकेचे दर्शन या माध्यमातून झाले.
🌾 शेतकरी व व्यावसायिक ग्राहकांचा उत्स्फूर्त सहभाग
👨‍🌾👩‍🌾 स्थापना दिनाच्या कार्यक्रमाला कूरूल व परिसरातील अनेक प्रतिष्ठित नागरिक, व्यावसायिक, खातेदार, शेतकरी, महिला तसेच बँकेचे नियमित ग्राहक मोठ्या संख्येने उपस्थित होते.
👏 उपस्थित ग्राहकांनी बँक ऑफ इंडिया कूरूल शाखेकडून मिळणाऱ्या सेवांचे कौतुक केले.
🌷 तसेच शाखा व्यवस्थापक श्री. संतोष दळवी व त्यांच्या संपूर्ण टीमच्या सहकार्याबद्दल ग्राहकांनी समाधान व्यक्त करत बँकेच्या पुढील यशस्वी वाटचालीस शुभेच्छा दिल्या.
👨‍💼 अधिकारी व कर्मचाऱ्यांची उपस्थिती
🌹 याप्रसंगी शाखेचे कृषी अधिकारी श्री. हनुमल्लू ऐनलवार, अधिकारी श्री. विलास हिंगोले, सौ. किरण उईके, तसेच कर्मचारी श्री. प्रतापराव कोकरे, श्री. श्रीकांत इंगोले, श्री. शशी जगदाळे, श्री. तुकाराम कांबळे आदी उपस्थित होते.
🤝 कार्यक्रमाच्या यशस्वीतेसाठी विशेष योगदान
⭐ कार्यक्रम यशस्वी करण्यासाठी बँक मित्र श्री. उमेश गायकवाड, श्री. समाधान आवताडे, श्री. अमीर पठाण, श्री. शब्बीर मुलानी, श्री. सुभाष रणदिवे व श्री. दादा सुतकर यांचे विशेष योगदान लाभले.
🌺 सर्वांच्या सहकार्याने बँक ऑफ इंडिया कूरूल शाखेचा १२१ वा स्थापना दिवस आनंदी, उत्साहपूर्ण आणि आपुलकीच्या वातावरणात संपन्न झाला.
🏦💐 “१२१ वर्षांचा विश्वास… ग्राहकसेवेची अखंड परंपरा… आणि उज्ज्वल भविष्याची नवी दिशा!”