ज्येष्ठ नागरिक पोहण्याच्या स्पर्धेत मानाचा बहुमान,

गोविंदश्री ज्येष्ठ नागरिक सेवा संस्थेच्या सभासदांचा अमृत महोत्सव सोहळा उत्साहात संपन्न….

सोलापूर ,प्रतिनिधी :– दादासाहेब जगताप, संविधान न्यूज चॅनल सहसंपादक

 

सोलापूर : गोविंदश्री ज्येष्ठ नागरिक सेवा संस्थेतर्फे 75 वर्ष पूर्ण केलेल्या सभासदांचा अमृत महोत्सवी सन्मान सोहळा 2025 मोठ्या उत्साहात आणि दिमाखात पार पडला. या सोहळ्यात संस्थेतील मान्यवर ज्येष्ठांचा शाल, सन्मानचिन्ह व पुष्पगुच्छ देऊन विशेष गौरव करण्यात आला.

 

सन्मानित ज्येष्ठ नागरिकांमध्ये —

पंढरीनाथ लुंगारे (81 वर्ष), अशोक तारापुरे (80 वर्ष), रमाकांत देशपांडे (79 वर्ष), प्रभाकर ढोबळे (80 वर्ष), विजयसिंह बायस (79 वर्ष), अशोक भोसले (76 वर्ष), विठ्ठल गरड (76 वर्ष), अशोक मराठे (76 वर्ष), मोहम्मद हुसेन शेख (75 वर्ष) — यांचा समावेश होता.

 

या कार्यक्रमाचे प्रमुख पाहुणे म्हणून साहित्यिक प्रा. डॉ. राजेंद्र दास तसेच सोलापूर महापालिकेचे माजी स्थायी समिती सदस्य आदरणीय शिवलिंग कांबळे उर्फ शिवा बाटलीवाला उपस्थित होते.

 

 

🏊‍♂️ ज्येष्ठ नागरिक पोहण्याच्या स्पर्धेत मानाचा बहुमान

 

ज्येष्ठ नागरिक पोहण्याच्या स्पर्धेत सोलापूर ज्येष्ठ नागरिक संघाचे अध्यक्ष गुरुलिंग कन्नोरकर यांनी मिळवलेल्या प्रथम क्रमांकाबद्दल त्यांचाही विशेष सन्मान करण्यात आला.

 

तसेच संस्थेस उदार देणगी देणारे —

चन्नवीर सड्डू, पंढरीनाथ लुंगारे, अनिल शेट्टी, विजयकुमार राऊत — या देणगीदारांचाही सन्मान करण्यात आला.

 

🎤 “ज्येष्ठ नागरिक म्हणजे उतरती उन्हे” विषयावर प्रेरणादायी व्याख्यान

 

कार्यक्रमाच्या प्रमुख पाहुणे प्रा. डॉ. राजेंद्र दास यांनी “ज्येष्ठ नागरिक म्हणजे उतरती उन्हे” या विषयावर प्रभावी व्याख्यान दिले. हे व्याख्यान ऐकण्यासाठी जुळे सोलापूर परिसरातील ज्येष्ठ नागरिक मोठ्या संख्येने उपस्थित होते.

 

या सोहळ्यास साहित्य व सामाजिक कार्य क्षेत्रातील अनेक मान्यवरांची उपस्थिती लाभली. यामध्ये —

संजय जोगी पेठकर (सोलापूर स्वातंत्र्य चळवळ इतिहास ग्रंथनिर्मितीकार), कविवर्य मारुती कटकधोंड, कविवर्य गोविंद काळे, जिल्हा परिषद कर्मचारी महासंघ अध्यक्ष रमाकांत साळुंके — यांचा समावेश होता.

 

🙏 सोहळा यशस्वी करण्यासाठी प्रयत्नशील टीम

 

कार्यक्रम यशस्वी करण्यासाठी संस्थेचे —

अध्यक्ष भगवानराव काशिद, उपाध्यक्ष अनिल हिरशेट्टी, सचिव विजयकुमार राऊत, सहायक सचिव प्रल्हाद हटकर, कोषाध्यक्ष रवींद्र कुलकर्णी — यांनी विशेष परिश्रम घेतले.

 

कार्यक्रमाचे उत्कृष्ट सूत्रसंचालन प्रा. ज्ञानेश्वर काळे यांनी केले, तर शेवटी उपाध्यक्ष अनिल हिरशेट्टी यांनी उपस्थितांचे आभार मानले.