तारापूरमध्ये शिवपूजनानिमित्त राजकीय ‘संकेत’! पाच वर्षांनंतर प्रदीप निर्मळ–समाधान जगताप प्रथमच एका मंचावर
उपशीर्षक :
उपसरपंच समाधान आप्पा जगताप व माजी सरपंच प्रदीप दादा निर्मळ यांच्या हस्ते छत्रपती शिवाजी महाराजांच्या प्रतिमेचे पूजन; गावात चर्चांना उधाण…
बातमी :
तारापूर (प्रतिनिधी) : मुख्य संपादक राम गायकवाड
तारापूर ग्रामपंचायतीच्या वतीने छत्रपती शिवाजी महाराज यांच्या प्रतिमेचे विधिवत पूजन करण्यात आले. हा पूजन सोहळा ग्रामपंचायत उपसरपंच समाधान आप्पा जगताप व माजी सरपंच प्रदीप दादा निर्मळ यांच्या हस्ते पार पडला.
विशेष बाब म्हणजे ग्रामपंचायत निवडणुकीत दोघेही एकमेकांच्या विरोधात उभे होते. त्या निवडणुकीत समाधान जगताप यांनी ग्रामपंचायतीत वर्चस्व गाजवत आपली भूमिका मजबूत केली होती. मात्र, त्यानंतरच्या पाच वर्षांच्या कालावधीत प्रथमच माजी सरपंच प्रदीप निर्मळ आणि विद्यमान उपसरपंच समाधान जगताप एका मंचावर एकत्र दिसल्याने गावात अनेक तर्क-वितर्क सुरू झाले आहेत.
या अनपेक्षित दृश्यामुळे ग्रामस्थांमध्ये “हे केवळ शिवपूजनाचे औचित्य आहे की पुढील राजकारणाची नांदी?” अशा चर्चा रंगू लागल्या आहेत. काही नागरिकांकडून विविध “जर-तर”च्या शक्यता मांडल्या जात असून, तारापूरच्या राजकीय वातावरणात यामुळे नव्या चर्चांना उधाण आले आहे.
दरम्यान, शिवपूजन कार्यक्रमात ग्रामपंचायत सदस्य, ग्रामस्थ व शिवप्रेमी मोठ्या संख्येने उपस्थित होते. छत्रपती शिवाजी महाराजांच्या विचारांचा वारसा जपण्याचा संदेश देत कार्यक्रम शांततेत व उत्साहात संपन्न झाला.
मुख्य संपादक : राम गायकवाड
संविधान न्यूज चॅनल व पोर्टल